the tree healer: ജൈവവൈവിധ്യ ദിനത്തിൽ ഇലഞ്ഞി മുത്തശ്ശിക്ക് ആദരവ്

 പുതുപ്പള്ളി:പുതുപ്പള്ളി പരിയാരം ആലഞ്ചേരി തറവാട്ടുവളപ്പിൽ നിൽക്കുന്ന എഴുപത് വർഷം പ്രായമുള്ള ഇലഞ്ഞിമുത്തശ്ശിയെ വൃക്ഷ പരിസ്ഥിതി സംരക്ഷണ സമിതി-കേരളവും,പരിസ്ഥിതി സംരക്ഷണ സമിതി ദക്ഷിണ കേരളവിഭാഗവും സംയുക്തമായി ആദരിച്ചു. കുമാരിഈശിനി പ്രാൺ രാജ് ആലപിച്ച പ്രകൃതികവിതയോടെ ആരംഭിച്ച പരിപാടി വൃക്ഷവൈദ്യനും പരിസ്ഥിതി പ്രവർത്തകനുമായ കെ.ബിനു ഉദ്ഘാടനം ചെയ്തു.

വൃക്ഷ-പരിസ്ഥിതി സംരക്ഷണ സമിതി കോർഡിനേറ്റർ ഗോപകുമാർ കങ്ങഴ അദ്ധ്യക്ഷ ത വഹിച്ചു.ഇലഞ്ഞിമുത്തശ്ശിയുടെ കാവലാളായ ആലഞ്ചേരിൽ   സൂസൻ ഐപ്പിനെ പൊന്നാടയും,മൊമന്റോയും നൽകി ആദരവ് നൽകി.

ചടങ്ങിൽ പരിസ്ഥിതി സംരക്ഷണ സമിതി ദക്ഷിണ കേരള വിഭാഗത്തെ പ്രതിനിധീകരിച്ച് ഡോ:രാജേഷ് കടമാൻചിറ സ്വാഗതവും,ആലഞ്ചേരി തറവാടിനെ പ്രതിനിധീകരിച്ച് വിനീത് ഐപ്പ് നന്ദിയും ആശംസിച്ചു.പരിസരവാസികളും പരിസ്ഥിതിപ്രവർത്തകരും പരിപാടിയിൽ പങ്കെടുത്തു.